mag duha na ka tuig....

|
  hala ka diha! ingon ani na di ay ko kadugay wala naka sulat ani diri? hehehe tiud-tiud na jud kaayo! grabe na kadaghan ang nahitabo sa akong kinabuhi sukad ko naka yawyaw diri. nalipay jud ko kaayo ani nga higayon karon ba. busa akong e sulat ug sulay ang mga importanteng nangagi sa nilabay nga bayntedos ka bulan.. (gi ihap jud nako sa akong tudlo) hehe


magsugod ko sa enero sa tuig 2010. atong pagka 26 aning bulana, nanganak ko ug usa ka batang lalaki sa Medina General Hospital sa ozamiz. iyang pangalan kay Eneko Joaquin. mag himo ra kog lain nga sugilan kabahin jud anang akong pag panganak kay perting taas sa storyahonon.. naa pa ang amahan sa akong anak atong panahona ga trabaho sa san miguel beer mao ng naa mi sa ozamiz. ako rang gi ingon ingkaso malibog ang  mga taong mo basa ani nganong batang-ozamiz akong anak. pero anang pagka pebrero 22 nahuman ra pud ang kontrata sa akong bana busa namalik na pud mi sa among teritoryo sa digos. 


bulan sa marso jud mi nangabot sa digos. petsa kwatro sa marso. pag abot namo sa digos, normal ra man ang dagan sa tanan. balik na pud mi sa uno sa akong bana pangita ug trabaho. aw! siya ra di ay kay ako man jud nangunay ug bantay sa among anak nga gwapito. (wa gyuy mo palag! kay ako maning anak) =) naka kita si badik, akong banang buotan (aw! gwapo pud ui! hahaha) ug trabaho pero kadali ra kay naka kontrata man. mao nga pagka sunod niyang nasudlan, mao na ni hantod ron - sa Coke, sa davao. kalooy sa Dios mag tuig na siya rong augusto.. aw! karon na man di ay ning bulana, ika duha na na siya na promote. maong garbo jud kaayo na namo siya sa iyang anak! kay maayo jud na siya sa trabaho, bisan iyang mga kauban naka ingon jud, pangutan a pa! hehehe


sa sulod sa tulo ka bulan nakong binantay sa akong anak, gikan marso hangtod hunyo, gi abot jud kog kalaay ui! mao nga nangita kog trabaho. nya pait jud baya kaayo ning daghan na kaayo ug nurse sa pilipinas. mao nga halos wa nay hospital nga ma trabahoan. pero kaluoy sa Ginoo, naka sulod gihapon ko sa provincial hospital diri sa digos, pero dili sweldado kay kaugalingong kabubut-on ra man nako ang pagtrabaho didto. nya gi ingnan kos kapitolyo pag pasa nako sa akong mga papeles nga mag huwat sa kog unom ka bulan usa daw ko nila matagaan ug gamayng sweldo. pero wa nako ni padayon. namakasyon man akong mga paryente gikan ug america anang nobyembre hangtod disyembre, nya perti man namong laag mao nga wa nako nipadayon ug trabaho sa ospital.


ka paspas nahuman sa tuig sa 2010 sa? mura rag kidlat ba. kani ang tuig 2011 kay grabe ka usab-usab ang dagan sa akong pagbati. sa enero pa, nag sige nag ka admit ang akong uyoan, nya tua man sa america iyang pamilya mao nga akoy ni alima sa iyaha sa ospital. sa una niyang admit kay gi putol ang iyang ika duhang tudlo sa tiil kay ni grabe na iyang sakit nga dayabetis. naulian man to siya. pero ga sige gihapon mi ug adto sa doktor para ipa tan aw iyang kahimtang ug panglawas. arang-arang na man ta to iyahang samad, paayo na hapit. ug sa dihang anang pagka pebrero nikalit ra man na ug ka lata iyang tiil. grabe na di ay kaayo ang pag atake sa mga kagaw sa sulod sa iyang lawas. wa lang makita sa panggawas sa tiil. mao to nga na admit na pud siya sa digos ra ta to una, human ni grabe man siya, mao nga gi dala sa davao. di ra nako e saysay ug detalyado kay mag sakit akong dughan mag hinumdum. pinangga man gud ko kaayo ato niya. mura na jud pud ug anak, sukad pa pagka bata nako. mao nga sa dali nga storya, namatay jud siya atong pebrero 21, didto sa hospital sa davao.


marso mao ang bulan sa ka guol. bisan tinuod naka laag-laag mi ginagmay sa akong mga ig-agaw usa sila manguli sa amerika, ga guol gihapon mi mag hinumdom sa ilahang amahan nga pipila pa lang ka adlaw namo nalubong. 


arang-arang na lang ang bulan sa abril. paspas kaayo ni lihis ug tuyok ang akong kinabuhi. sa haya sa akong uyoan na himamat nako ang iyang igsoong lalaki nga gikan ug amerika. nya sa tinamban pang pagkastorya, siya ang nag mugna nga mag pasa kog papeles pa ingon sa amerika. ug pinaagi sa iyang paningkamot, ga huwat na lang ko ron ug tubag sa skwelahan nga akong skwelahan didto aron maka kuha nakog higayon nga mo adto sa "embassy" sa amerika. mao ning bulana naka larga ko sa cebu ug dumaguete aron mag tuon na pud ug usab para sa eksam nako sa mayo 6.


pagka mayo na lipay jud kaayo ko. dili tungod kay ma human na jud akong pag antos ug tinuon ug aron ma wagtang na jud akong ka kulba sa eksam, kundi tungod kay maka bakasyon na pud ko sa iloilo. gimingaw na kaayo ko sa among mga peryente ngadto. mga upat na pud ko ka tuig wala naka adto, ug pagka mayo 7, mao na gyud ang higayon. lupad dayon human sa eksam. tayming kaayo nga pag abot kay adlaw nga natawhan sa akong apohan nga si amalia. nalipay jud siyag taman. samot na mi nga naka tapok na pud. apan human sa pag lipay, kamingaw na pud. pagka mayo 15 nanguli na pud mi dayon. naa man gud trabaho si badik (nga first time niya sa iloilo) ug ting bagyo na pud. nya naa ra ba si aquin ni uban, lisod kaayo.


hunyo naga pangandam mi sa ika otsenta nga adlawng natawhan sa akong apohan. mao nga pag abot sa hulyo ingrande jud kaayo ang iyang silibrasyon. 


hulyo hangtod karon kalma ra kaayo ko. hayahay. gina lasap ra nako ang panahon nga uban nako akong anak, bana ug pamilya. kay kung kaluy an ko sa Ginoo puhon maka larga nya ko, magmingaw jud kog taman aning mga tawhana ni. kung unsa man gani ang mo abotay gyud nga plano sa Ginoo para sa akoa, ako gyud ng gi dawat na sa akong tibuok kasingkasing. kabalo Ka Lord unsay gusto sa akong kasingkasing apan Imong pagbuot Lord ang matuman.... =)









gimingaw kog patuyang ani nga sulat!

|
dugaya na man di ay sa higayon nga naka sulat ko ngari. tiud2 jud gyud pud. daghan na gud kaayo ug nabag o sa akong kinabuhi. kaniadtong kinataposan nakong sulat diri, dalaga pako. karon minyo na. naa pud umabutay nga anak puhon. pero malipayon gihapon kaayo ko. bisan pa man tinuora ug wala nako naka sulat diri, wala man gihapon na wala akong mga amiga nga akong permi makit an diring dapita.

mura kog nabag o han kay karon wala kaayo koy mahuna huna an jud nga mga e storya ngari. kay sa una permi man to mahitungod sa akong trabaho ug ang mga tao sa palibot sa akong gi trabahoan. pero karon kay istambay man sa ko, mura pa jud ug ga mongha ngari sa balay, wala jud koy ika dalit nga storya. layo na pud di ay kaayo ko ug dapit karong gikatugpahan. lupigan pa daw namo ang mga Ita ani. sige rami ug balhin2 ug dapit. unsaon ta man nga naa na man pud diri ang kaayohan para mo lambo ang kinabuhi. ang importante bisag asa pa ka, malipayon ka, dili mag bag o ug sa kanunay e tatak sa alimpatakan nga kabubut-on tanan sa Ginoo ang masunod. =)

sige na. tama na. mao ra na. diri ra taman kay wa nakoy ma hunahuna-an.

walay amo = )

|
mao na ni.... wala may amo sa palibot busa hala sige palami sa pag blog! hehehe aduna na man pud hinuon koy natrabaho (aside sa mag plurk) hehehe

pero mao ni: nakahimo na jud kog usa ka
blog. wala pa lang hinuoy nasulat kay wala pakoy mahuna hunaan. hehehe ug ni ingon na raba ko sa akong ka ugalingon nga kini nga blog nga bag o natong gihimo, dapat aduna na puy pulos. saun taman nga kining usa bisaya man. daghang dili kasabot. dili na hinuon nako mapa abot ang akong gustong ipa abot! hehehe

mao jud na ug walay
amo mag sige lang ug ngislit! =) ug naay amo tinipid man kay mo ingon unya nga dili ko seryoso sa akong trabaho. hapit na raba ko e evaluate ani. hahaha

ug padayon sa akong tumong nga walay tumong nga pagstorya.... hehehehe

ang akong bag ong blog nga gihimo, tungod jud na siya
sa mbs2. na dani jud kos mga tao didto! ahak! naulaw ko nangutana sila ug unsay akong blog, nanulon rakog laway.... ngano? kay sa akong nabasa sa ilahang mga blog, hasta mang pagka plastara ug maayo jud kaayo kay adunay mga mapuslanong tumong. unya ug mo hatag ko sa ako, nga bisaya na, char! char! pa jud! hehehehe mao tong naka ana judko nga, ug magka higayon ko o.... mag himo kog lain. hehehe

mao ng naka himo nako.... ug wala pa lang juy sulat! hehehe maayo na lang. sa sunod nga naay masipyat ug silip aning akong sulat-sulat, maka ngisi na ug maka ando-ando. hehehe

bantay lang o! hahaha

tapot di ay ni ini ang mga pekchoor-pekchoor namo ngadto! wala man mi dala nga camera, aw naa di ay! ang "lomo cam" ni selee nga maulaw siya ipagawas kay ang mga camera man pud nga dala sa mga tao ngadto kay dslr man, nikon pa jud! hehehe old skul nuon to kay selee pero cooool! hehehe

(sa mga picture: ako ang yagit nga naka green)

gikan sa mbs2!

|
kadaghan kaayo sa akong nakat-unan ani nga panagtapok.... bisan pa ug wala ko naka trabaho tungod ni ini, apan dili jud sayang ang higayon....

klase-klase ang mga tao nga naa didto.... lahi-lahi ug mga trip! pero usa ray akong ma ingon sa ilaha---mga maayo kaayo! na kurat kos kadaghan sa mga tao nga maayo ug abilidad... halos sila jud tanan... dili lamang sa pag sulat kundi pati na pud sa pagkuha ug mga litrato..

lami ang among kaon. nindot ang ilahang mga gipanghatag. aduna koy mga bag ong naka ila nga mga amigo ug amiga. =) nindot jud nga panagtapok! maayo unta sa sunod maka apil gihapon ko. aron makita na pud nako ang mga bag o sa ilahang mga abilidad.... ug ma kompara na pud nako ang akong pag "blog" sa karon ug sa umabutay pa....

sa karon ga plano ko mag himo ug laing blog.... kanang blog nga adunay pulos. kanang aduna puy makat-unan ang mga tao nga mo basa. pero kini magpadayon gihapon. maghuna huna pako ug unsaon na nako kay nindot jud kaayo siya nga plano. akong ng gilista ug hinay hinay aron dili ko malimot! ;-)

salamat kaayo sa mga sponsors. sa mga speakers. sa tanang mga tao nga nakahuna huna sa mbs. ug kay miga selee nga maoy ni dani nako nga mag himo ug blog ug mo apil. dili jud nako malimtan ang tanan...

kalagot!!!

|

maot nga pamati

dili dapat tubayan nga pagbati

lisod walaon

bisan kabalo ka nga dili dapat bation

hay! antos ra!

kita ang Ginoo, dili buta....


chill ra! ;-)

salamat jud kaayo!

|
Thank you to the following for making 2nd Mindanao Bloggers Summit possible:

CO-PRESENTERS:
City Mayor Pedro B. Acharon, Jr.

Congresswoman Darlene Antonino-Custodio
NOKIA
Department of Tourism XII
ABS-CBN Regional Network Group
Bariles Republic
Gen. Santos City Tourism Association
SOCCSKSARGEN Blogers



GOLD SPONSORS:
Friendster

Globe
AMA Computer Learning Center
Grab A Crab Restaurant and Coffee Club 101
Gregoria Printing Press




SILVER SPONSORS:
Nokiahost.Com

Asia United Bank
Family Country Hotel & Convention Center
East Asia Royale Hotel
Fine Pixel Advertising
IDEAS

BRONZE SPONSORS
GenSan Sale.Com
Blogging from Home Book
Pacific Seas Seafood Market
Generals Logimark Exponent
Prints and You
Writing Edge.Com
Forest Lake San Carlos Park
Rolee Bakery & Cafe
Jehzlau Concepts
Techykid.Com
Jaypee Online.Net
Blue Media Communications
International Container Terminal Services, Inc
Shalom Wizard Academy
Dreamworld Travel and Tours
Sta. Cruz Seafoods, Inc.
Dellosa Design Build Services
Kristan Bookstore
DOLE Philippines
Husky Bus Lines
Shakey's Pizza
Family Brand Sardines
Gaisano Mall of GenSan
Chowking - KCC
Jollibee National Highway
Procter & Gamble Philis., Inc
Mega Sardinesc


.

kapeng layshoo

|

unsa may naa ni ini?
dapat hinay hinayon
kung ma hurot na,
panahon na para pa hawa-on!
ang naka lami lang,
kuyog nimo nga mga kulang-kulang!

lingaw!