pag timbang-timbang

unsa man jud?! makalibog jud bah! nganong aduna may mga butang nga lisod timbangon? mga butang nga dili mabaligya ug ma kilo apan lisod timbangon....

apan mo abot ra jud sa punto nga naa jud kay butang nga dapat ipa dayon....ang mas bug at sa imong kasing-kasing.... ang makahatag sa imo ug kalipay.... =D

mao ni ang nindot nakong nakat-unan karong mga panahona: kung aha ka malipay, makatabang ug makat-on, hala sige! mao na ang pili-a! ;-) dili baya sa tanang panahon malipayon ka.... ug kining atong kinabuhi mubo ra jud kaayo....

ga plano mi mang lakaw sa usa ka layo nga lugar....layoooo jud kaayo. dili dayon makabalik ug ganahan mo uli.... pero ang naghatag ug ka isog sa buot kay kini nga paglakaw nako aduna koy kuyog nga masaligan jud nako ug mag kina unsa man gani.... hehehe

sa karon.... maghinayhinay na ko ug lihok aning akong napili an nga gi timbang.... murag kadali ra jud sa panahon ui! ga dula ra man ta ko ug tumba-lata sa una ug dakpanay.... karon.... dinagko na jud ni! hehehe paila ra jud nga na isdog na ang linya paingon sa katigulangon.... =P

kung aduna may paglisod sa pag himo sa angay nga buhaton, e piyong ra ang mata ug pakigstorya sa Ginoo.... =D mamati jud na siya.... walay paltos! sayon na lang dayon ang imong tilimbangon....

pag du-aw

gahi daw ko ug ulo. dili mo sunod sa insakto bisan nakabalo na. gi ubo ko, sip-on ug hilanat. na admit jud ko. pneumonia daw ingon ang doktor....

sa akong pag sakit, dili lamang kaguol sa gasto ug ka kapoy sa lawas ang akong gi bati. *medyo drama ni gamay ang mo sunod* =D karon nga pagsakit nako, tungod pud tingali kay na ospital ko, gibati jud nako ang pagmahal ug pagkabalaka sa mga tao nga importante sa akoa.

unang adlaw pa lang sa akong pagka admit, sa ilahang pagkabalo nga naa ko sa ospital, gi bisita ko ni nanay ug ni tatay nga gadala ug usa ka nigo nga lami nga spaghetti ug pan pa jud! nalipay kaayo ko kay ilaha kung gi duaw. mailhan pud sa dagan sa among panagstorya nga sila naguol nga nag sakit ko.... pinangga jud ko ninyo nay, tay! hehehe

sa kanunay anaa pud ang akong mga paryente nga ni bisita pud nako. nalipay ko kay bisan ug adunay silay mga laing buluhaton, ni gahin jud sila ug panahon para nako....

usa ka surpresa nga pag bisita anang gabie sa ika duha ka adlaw nga anaa ko sa ospital ang gihatag sa akong pinanggang higala *budikikoy bah!* =D nalipay kaayo ko sa iyahang pag duaw. ug tungod kay kini usa ka sorpresa, gi bati jud ko ug taman. hehehehe gimahal ug gi pangga jud di ay ko nimo day! =*

ang pag alima ug pag uban sa akong pinangga nakong ginikanan, gapakita lamang nga sa walay pag dangan ang ilang pagmahal nako wala juy bili....

kining mga pag bisita, nag hatag sa ako ug kusog, kalipay sa mga pama-agi nga lisod e eksplikar nga dili mahatag sa mga tambal nga akong gi inom.... mura ba ug g magik nga pag bati....

sa akong ginikanan ug sa tanang ni duaw nako ug bisan sa wala naka adto....salamat kaayo gikan sa kinaubsang parte sa akong kasingkasing... =D

katam-is sa kanunay

kini mahitungod sa espesyal nga tao sa akong kinabuhi.... sa kanunay ana-a siya sa akong tapad....

managhigala mi sukad pa ni adtong mga estudyante mi. daghan na kaayo ming mga na agian.... mga kasakit ug kalipay nga matagamtam sa kinabuhi.... mura ug ligid ang dagan sa among storya....kung ako mang detalyehon pag storya kulangon ang lugar ngari ug ang panahon sa pagbasa....busa magpabilin na lang kana nga storya namo sa kilid sa baybayon.... :p

sa tanang luha ug katawa nga among nagian ug ma agian pa.. sa kanunay ako ng hinaot nga katam-is ang mangibabaw sa dalan nga among paingnan..ni ining among pag baktas sa kinabuhi....

sa mga higayon nga dulom ang dalan, dia akong kamot andam mo kupot kanimo hangtod sa kahayag.... ayaw kapuol....ayaw kaguol.... sa kanunay ania rako.... (^_^)

ka-ba-La-ka

ang atong ginikanan sa kanunay adunay pagkaguol sa ato...bisag unsa pata klase nga anak. tungod kay ang ilang pagmahal walay limitasyon....

sa atong adlaw adlaw nga kinabuhi, adunay mga taong atong masugapa, nga bisan wala nato na ilhi ang ilahang ngalan...sa mubo nga oras nga atong mahimamat sa ila, aduna kay mabatyagan o makita nga ilahang pag ka balaka sa imoha....

ang tao gipakatao jud nga maayo. ug aduna may dautan siyang kinaiya tungod tingali kana sa mga butang nga iyahang gipili... ka anindot sa paminaw nga mabatyag nimo ang pag kabalaka para sa imoha...labaw na ug gikan kini sa mga tao nga wala ka ga dahom nga adunay pag kabalaka.... :-)

karong panahona, nga ga lain akong paminaw... salamat kaayo ug dako sa mga tao nga nabalaka para sa ako... lami kaayo akong paminaw. ug mao kini usa sa mga naga hatag ug kusog nako aron ma ayo dayon! *sa walay pag drama na siya* :p